Bir müddət əvvəl sayt üçün dizayn hazırlamışdım. İki rəng versiyasında oxucuların təqdimatına çıxardığım maketin biri göy rəng çalarında, digəri isə açıq yaşıl rəngdə idi. Facebook səhifəsində bir o qədər də aktiv olmayan müzakirə və səsvermənin sonunda birinci versiya dəstək qazandı. Bu gün dizaynın sayta adaptasiya olunması prosesi əsasən başa çatdı. Saytın təkmilləşdirilməsi bundan sonra da davam edəcək. Hələliksə növbə saytın sisteminin və materialların aktivləşdirilməsinindir.

Salam! Saytda baş verən müvəqqəti fasilələrə görə üzr istəyirəm. Qısa zamanda dərc olunan dərs materiallarının ardı davam edəcək. Bu günlük isə hər kəsə maraqlı olan şrift saytlarının bir neçəsinin ünvanını sizə təqdim edəcəm. Çünki saytda istifadəçilər tərəfindən tez-tez şriftlərin necə və haradan yükləmək mümkün olduğu soruşulur. Qeyd edək ki, saytımızda bu tipli saytlardan ən güclüsü sayılan Dafont haqqında material artıq dərc olunub.  

Qeyri-müəyyən uzunluğu olan ömrümüzün daha bir illik zaman kəsiyini arxada qoymaq üzrəyik. İnsanın üzərinə düşən isə bu zamanı israf etməyib, ömrü faydalı işlərə sərf etməkdir. Çünki geriyə dönüb baxanda etdiyimiz əməllər bizi utandırmasın, təəssüf hissi yaşatmasın. Bu prinsipləri əldə tutub, saytımız vasitəsilə insanımıza, ölkəmizə faydalı olmaq istədik. İnşaAllah bu yolla da imkan olduqca asta-asta irəliləyəcəyik. Gəlin birgə bu il ərzində hələ 1 yaşı tamam olmayan azdizayner.com-un yazdığı "səhifələrə" ötəri nəzər salaq.

04 dekabr tarixində Ambassador otelində baş tutan "MilliNet 2010" milli internet müsabiqəsinin yekunları açıqlandı. azdizayner.com saytı da Bloqlar nominasiyasında finalçılar arasında idi. Və səsvermənin nəticələri açıqlandıqdan sonra bizim bloq bu nominasiyanın qalibi elan olundu.

Oxucuların istəklərərini nəzərə alıb saytımızda yeni bölməni istifadəyə veririk. Bundan sonra hər bir Qeydiyyatdan keçmiş istifadəçi  saytın uyğun bölməsindən Corel Draw, Adobe Photoshop, Dizaynla bağlı istədiyi sualı verib, qısa zamanda ona ətraflı cavab ala biləcək.

Adobe İndesign və Illustrator kimi proqramlar saytımızın əhatə dairəsinə daxil olmasa da, bacardıqca bu mövzulara aid sualları da cavabsız qoymayacağıq. Bilikli istifadəçilərimizi isə yeni başlayanlara bu işdə kömək etməyə çağırıram.

Aznetin maraqlı və orijinal resurslarından olan qeyd.az saytı bu yaxınlarda bir yaşını qeyd etdi. Saytın dizayn və yaradıcılıqla birbaşa bağlılığını nəzərə alıb dostum, qeyd.az bloqunun "baş müəllifi" Rəvandan müsahibə aldım. Buyurun, bu maraqlı materialı siz də oxuyun...

Əziz müsəlman bacı və qardaşlarımız, Ramazan ayınız mübarək!

Yox, yox yazının adı sizi qorxutmasın! )) Bu nə saytın fəlaiyyətinin sonuna, nə də hansısa uğursuzluğa işarə deyil. Tam tərsinə...

İstər dizayner olsun, istər adi kompyuter istifadəçisi hər kəs şriftlə bu və ya digər dərəcədə maraqlanır. Xüsusən ilk dizayn cəhdlərini edən istənilən şəxs birinci olaraq yazdığı yazıların şriftləri ilə oynamağa başlayır. Ona görə də kimdən gəldi, hardan oldu kompyuterin yaddaşına şrift yazmağa başlayır...